Пастдарғом туманида 20 нафар маҳкум муддатидан олдин шартли озод қилинди
Суд маҳкумларга ЖКнинг 73- ва 74-моддаларини татбиқ этиб, озодликка чиқарди
Жиноят ишлари бўйича Пастдарғом туман суди томонидан 20 нафар маҳкум муддатидан илгари шартли озод қилинди. Бу ҳақда «Дарё» нашри хабар берди.
Самарқанд вилоят ИИБ 64/79-сонли жазони ижро этиш муассасаси биносида ўтказилган очиқ сайёр судда 20 нафар маҳкумларга нисбатан иш кўрилди. Улардан 18 нафарига нисбатан Жиноят Кодексининг 74-моддасига асосан ўталмай қолган жазо муддати озодликдан маҳрум этиш билан боғлиқ бўлмаган енгилроқ жазо билан алмаштирилиб, қолган 2 нафар маҳкум Жиноят Кодексининг 73-моддасига асосан жазони ўташдан муддатидан илгари озод қилинди.
Маълумот учун, ЖКга кўра, жазони ўташдан муддатидан илгари шартли озод қилиш (73-модда) ҳамда жазони енгилроғи билан алмаштириш (74-модда) амалиёти жазони ўташ даврида ўрнатилган тартиб-қоида талабларини бажарган ва меҳнатга ҳалол муносабатда бўлган маҳкумларга нисбатан қўлланилади.
Мавзуга доир:
Йил бошидан буён 623 нафар маҳбус афв этилди
0 изоҳлар
Изоҳ қолдириш