Транспортни маст ҳолда бошқарганлик учун жавобгарлик кучайтирилди



 
  Расм манбаси : Oblast45.ru

2018 йил 22 октябрдаги ЎРҚ-503-сон Қонун билан Маъмурий жавобгарлик тўғрисидаги кодекснинг 131-моддаси(Транспорт воситаларини маст ҳолда бошқариш)га ўзгартириш киритилди.

Жумладан ушбу модданинг биринчи қисмида таърифланган ҳуқуқбузарлик (Ҳайдовчиларнинг транспорт воситаларини алкоголли ичимликдан, гиёҳванд модда таъсиридан ёки ўзгача тарзда маст ҳолда бошқариши) учун – транспорт воситасини бошқариш ҳуқуқидан бир йилу олти ойдан уч йилгача муддатга маҳрум қилиб, энг кам иш ҳақининг йигирма беш баравари миқдорида жарима жазоси тайинланди. Аввалги таҳрирда мазкур санкция фақат транспорт воситасини бошқариш ҳуқуқидан бир йилу олти ойдан уч йилгача муддатга маҳрум этиш билан чекланарди.

131-модда иккинчи қисми (Худди шундай ҳуқуқбузарлик транспорт воситаларини бошқариш ҳуқуқи бўлмаган шахс томонидан содир этилган бўлса) санкцияси – «энг кам иш ҳақининг қирқ баравари миқдорида жарима солишга ёки ўн беш сутка муддатга маъмурий қамоққа олишга сабаб бўлади» тарзида ўзгартирилди. Аввалги таҳрирда жарима миқдори ЭКИҲнинг 30 баравари миқдорида эди. Маъмурий қамоқ муддати ўзгармади.

Учинчи қисми (Алкоголли ичимликдан, гиёҳванд модда таъсиридан ёки ўзгача тарзда маст шахсга транспорт воситасини бошқаришни топшириш)нинг санкцияси эса «транспорт воситасини бошқариш ҳуқуқидан икки йилдан уч йилгача муддатга маҳрум қилиб, энг кам иш ҳақининг йигирма беш баравари миқдорида жарима солишга сабаб бўлади», тарзида баён қилинди. Олдинги таҳрирда ҳам транспорт воситасини бошқариш ҳуқуқидан маҳрум этиш муддати шунча, бироқ жарима ЭКИҲнинг 15 баравари миқдорида белгиланган эди.

2018-10-23 17:43:15  |  6196 |   0  | 
  • Teglar orqali izlash:

24 изоҳлар

Ноябрь 25, 2022  18:50

1.Рахимов Зиёдбек

2 маротаба тушдим лекин алко тестер натижани 3 маротаба бир хил корсатди лекин 4 ни тепаси хисобланади дейишди манда эса 4 ¹ чикти лекин расмийлаштиришди хужжатни шухам инсофданми 1 кун аввал ичиб ундан сонг ухлаб душ кабул килиб свежий холатда рулга отирган эдим шу инсофданми хулоса .....

Ноябрь 22, 2022  08:35

2.Абдуллажон

Бир кун олдин ичкан эдим.Айбимни тан олиб тушунтириш хати ёзиб бердим.Машинамни жарима майдонидан олиб чиқиш учун қанча жарима тўлайман.

Октябрь 30, 2022  15:42

3.Джумабаев Иброхим

Мен бир оз микдорда спиртли ичили ичиб мошина бошкаряпган пайтим тушдим ва бу биринчи мартда.айбимми тан олдим.энди нима болади.жазоймми йенгилро килиш имкони борми.

Октябрь 02, 2022  01:19

4.Islamov Raxim Rashidovish

Men 50 gr shanpan vinosi ichgandim.Ro'lda xushyor edim.Gai xodimi ushladi.To'g'risini aytdim.Tushuntirish xatida shunday deb yozdim.Xech narsani yashirmadim.O'zim aytdim 50 gr shanpan ishganimni mast emasdim.

Сентябрь 29, 2022  06:17

5.Шовкат

Бир кун олдин ичгандим тугрисини айтдим энди нима булади маст эмас эдим

Сентябрь 19, 2022  08:20

6.Aziz

Jarima maydonidan necha kundan keyin olib ketiladi mashinani

Сентябрь 15, 2022  15:38

7.Хасан Джурабеков

Мени 136 модда 1 кисми билан 1 йилу 6 ойга 3.675 .000 сум билан жаримага тортилдим. Шу тугрими ва буни хам чегирмаси борми? Чегирмаси неччи фоиз? ??

Сентябрь 04, 2022  13:21

8.Фазлиддин

1 ярим йил тугади канака оламан



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация