Шу билан бирга, давлат идоралари раҳбарлари ҳамда масъул шахслар масъулиятини ошириш ҳам мўлжалланмоқда

Ҳукумат тузилмасига кирувчи идоралар ва хўжалик бошқаруви органларини янада ихчамлаштириш ва фаолиятини такомиллаштириш бўйича комплекс чора-тадбирлар дастури лойиҳасига кўра, Ўзбекистонда “Давлат хизмати тўғрисида”ги қонун лойиҳаси ишлаб чиқилади.

Қонунда қуйидагилар назарда тутилади:

давлат хизматчилари молиявий мустақиллиги, ижтимоий химояланганлиги ва давлат идоралари раҳбарлари ҳамда масъул шахслар масъулиятини кучайтириш;

давлат хизматчиларини рағбатлантириш усулларини мужассамлаштириш;

давлат хизматчиларининг иш ҳақлари бўйича тариф сеткаларини, устамалар белгилашни қайта кўриб чиқиш;

коррупция ва порахўрликни камайтириш учун уларнинг молиявий мустақиллигини ва ижтимоий химояланганлик даражасини ошириш.

Лойиҳада 2019 йил 1 октябргача бу борада Ўзбекистон Республикасининг қонуни лойиҳасини ишлаб чиқиш ва Вазирлар Маҳкамасига киритиш белгиланган. Ижрочи масъуллар – Вазирлар Маҳкамаси, Адлия вазирлиги, Бош прокуратура, Молия вазирлиги, Иқтисодиёт ва саноат вазирлиги, вазирлик ва идоралар.

2019-04-08 16:54:17  |  2335 |   0  |