Гуруҳнинг энг катта “фигураси” бўлмиш маҳаллий профилактика инспекторига 11,5 йил “берилди”, қолганларга ҳам – айбига яраша

Жиноят ишлари бўйича Самарқанд шаҳар судида судья Марат Эргашев раислигида номусга текканликда айблаш йўли билан ўзгаларни қўрқитиш орқали уларнинг пулларини ўзлаштириб келган профилактика инспектори ва жиноий гуруҳ аъзоларининг ноқонуний ҳаракатлари юзасидан суд иши бўлиб ўтди. Бу ҳақда «Дарё» нашри хабар берди.

Судланувчи Пастдарғом туманида профилактика инспектори лавозимида ишлаб келган Аслиддин Муратов 2017 йилнинг август ойидан 2018 йилнинг июнь ойигача жиноий шериклари билан олдиндан тузилган режа асосида бировнинг номусига текканлик айбини қўйиш орқали фуқароларга таҳдид қилиб келган.

Хусусан, Аслиддин Муратов мўмай даромад топиш мақсадида 2018 йил февраль ойида ўзи ва Д.Т. билан биргаликда уюшган жиноий гуруҳ тузиб, унга Ш.Т., М.Т., Д.Т., Ф.Н., Л.Ж., Ф.Т. исмли шахсларни жалб қилган.

Фоҳишалар Пастдарғом туманидаги Кимё заводи атрофида ва Самарқанд шаҳридаги Кимёгарлар қўрғонида эркакларга жинсий алоқада бўлишни таклиф қилиб, Д.Т. истиқомат қилиб келган дала ҳовлига ёки унинг хонадонига олиб боришган.

Фоҳишалар эркаклар билан ихтиёрий равишда жинсий алоқада бўлишганидан сўнг, телефон орқали Д.Т., Ш.Т., Д.Т. ва Л.Ж.ларга хабар бериб, жинсий алоқада бўлган шахсларни қўрқитиб, номусига текканлиги ҳақида арз қилиши, баланд овозда дод солиш ва қўрқитиб таҳдид қилган.

Гуруҳ аъзоларининг режасига кўра, уларнинг устига бостириб кириши, содир бўлаётган ҳолатни видео тасвирга олиши, тузоққа илинган шахсларга ўзини М.Т., Ф.Т. ва Ф.Н.ларнинг акаси ёки турмуш ўртоғи сифатида кўрсатиб, хиёнат устида ва уй-жойга ғайриқонуний бостириб кирганликда айблаб туҳмат қилиб, ўзларини гўёки Пастдарғом туман ИИБ навбатчилик қисмига қўнғироқ қилгандек кўрсатиб, аслида олдиндан келишилган жиноий режага кўра, профилактика инспекторини чақирган.

Аслиддин Муратов тузоққа тушган шахсларга қонуний чора кўриш баҳонасида хизмат хонасига олиб бориб, у ерда 1000 АҚШ долларидан 2000 АҚШ долларигача ёки 20 миллион сўмгача бўлган пул маблағини билан олиб келган.

Аслиддин Муратов Жиноят Кодексининг 139-моддаси 3-қисми «а, г» бандлари, 165-моддаси 3-қисми «в» банди ва 237-моддаси 2-қисми «б, в» бандлари билан айбли деб топилиб, 2 йил муддатга муайян ҳуқуқдан, яъни ички ишлар тизими ҳамда корхона, муассаса ва ташкилотларда моддий ҳамда мансабдорлик лавозимларида ишлаш ҳуқуқидан маҳрум этилган ҳолда 11 йил 6 ой муддатга озодликдан маҳрум қилинди.

Худди шу моддалар асосида Д.Т. – 9 йил, Ш.Т. – 10 йил 6 ой, Л.Ж. – 10 йил 1 ой, Д.Т. – 5 йил 1 ой муддатга озодликдан маҳрум қилиш билан жазоланди.

Жиноий гуруҳ аъзолари ҳисобланган М.Т., Ф.Н. ҳамда Ф.Т.ларга нисбатан белгиланган озодликдан маҳрум қилиш жазоси Жиноят Кодексининг 72-моддасига асосан шартли ҳисобланиб, 3 йил синов муддати белгиланди.

Ўхшаш хабарлар:

Фоҳишахона ташкил қилганликда гумонланаётган фуқаро ишни “ёпиш” учун ИИБ ходимига пора таклиф қилди

Фоҳишалик учун жазо чоралари кучайтирилади

2018-12-25 20:29:44  |  1746 |   0  |