1102 ишонч телефонига ишонч борми?



 
  Расм манбаси : Darakchi.uz

Андижонда фуқаронинг ИИБ ходимлари томонидан қийноққа солиниши оқибатида вафот этганидан бир неча кун ўтиб, Ўзбекистон Ички ишлар вазирлиги матбуот котиби Шоҳрух Ғиёсов фуқароларга вазирликнинг махсус ишонч телефони ҳақида эслатди.

“Агар Сиз ички ишлар органлари ходимларининг ноқонуний хатти-ҳаракатлари ҳақида маълумотга эга ёхуд ўзингиз улардан жабр кўрган бўлсангиз, бу ҳақда зудлик билан Ички ишлар вазирлигининг 1102 ишонч телефони рақамига қўнғироқ қилинг. Шахсингизнинг сир сақланиши кафолатланади”, дейилади матбуот котибининг хабарномасида.

Эслатиб ўтамиз, 1102 қисқа рақами янги эмас — ушбу ишонч телефони 2017 йил 1 майдан бошлаб синов тариқасида ишга туширилган эди. ИИВдаги тузилмавий ва бошқа ўзгаришлар доирасида, шунингдек, ходимларнинг иш-фаолиятига доир арз-шикоятларни қабул қилиш мақсадида ташкил қилингани боис бу тўғрида ўша пайтдаги вазир Абдусалом Азизов халқаро пресс-клуб сессиясида шахсан эълон қилган.

Ижтимоий тармоқлардаги муносабатга қараганда, бугунги кунда ИИВнинг мазкур ишонч телефонига ишонч деярли қолмаган. Фойдаланувчиларнинг аксарияти, ушбу рақам бошқа кўп давлат идораларининг аҳоли билан алоқа механизмлари сингари бошида бирмунча самарали ишлаб, ҳозирда номига сақланиб қолганини, терс алоқа ва тезкор муносабат воситаси сифатида аҳамиятини йўқотганлигини айтишмоқда.

Чунончи, Фахриддин Мустонов исмли фойдаланувчи шундай ёзади:

“Бу рақам яхши ишламайди, шахсан ўзим мурожаат килганман. Мурожаатни кўриш муддати 15-30 кунга чўзилиб кетади. Ҳолбуки ИИБ биносига киришдан бошланади ҳуқуқлар бузилиши. Агар шу ҳолатдан норози бўлиб шикоят қилсангиз, шикоятингизга юқоридаги муддатда жавоб оласиз. Мантиқан ўйлаб кўрилса, жавоб келгунча ИИБ биноси олдида кутиб туриш керакми?..”

Мурат Ташпулатов исмли фойдаланувчи эса 2017 йилда ушбу телефон рақами орқали мурожаат қилганида муаммони бир соат ичида ҳал қилишганини, лекин кейинчалик, яна ишонч телефони орқали шикоят қилганида унинг фаолиятидан қониқиш ҳосил қилмаганини ёзган.

2020-06-18 05:12:44  |  1377 |   0  | 

5 изоҳлар

Июнь 22, 2021  23:38

1.Шеркулова Нилуфар

Мен тош, вилояти олмалик шахрида хамид олимжон махалласи А Темур 100-16 1 хонали хонодонда 2011 йилдан буйон яшаб келар эдим 2015 йил шу манзилга хокимят томонидан яшаш ордирни берилган эди мен, 207 йил уй жой булимига уйга мухтож йолгиз она булиб ариза ташаб куйган эдим хозирги кунда 2015 йил берилган ордир асосида руйхатга куйилган холда 3 нафар вояга етмаган фарзантларим бн яшаб келайотвудим хозир 14 июндан буйон кучада колдим, уйда йуклигимда олмалик шахар хокими уй жой булимидагилар хокимни карори бн уйни бушатинг деб эшигимни бузиб менга телефон килиб тез келинг уйни бушатинг биз етимни жойлаштирдик уйга деди. Бир неча кун олдин уйимга уй жой булими бошлиги дилором деган келиб бу хокимятни уйи хусисийлаштирилмаган уй бушатинг деб кириб келди, нега бушатаман кайокка бораман йош болларим бн дедим йолгиз она булсам АЙОЛЛАР дафтарида турсам деб кузаттим, 14 июн куни мен кучада колдим хамма уй жихозларим нарсаларим юкорида курсатган манзилда А.Темур 100-16 уйимда турибди фарзандларим бн Хали онамниктда Хали апачамникида яшаб юрибман, иккун утиб уй жой булими кабулига кирдим шунаккилиб кучада юраманми дедим СИЗГА обшижитдан жой килиб берамиз деб ариза йоздириб колди , мени уз уйимни кайтариб берилишида йордам беринг, у обшижитдан йош болларим бн канаккилиб яшайман хеч каерда ишламасам алемент ва бола пулиб бн яшайотган булсам, илтимос мени уз уйимни кайтариб берилишида йордам беринг.

Июнь 13, 2021  17:37

2.Ахмедов Шавкат

Олдинги яьни 17.01.2021 йилдаги Мурожаатим руйхатга олинган раками куйидагича эди . 1) 2699/21, 2). 2701/21. шу ракам билан 17.01.2021ил .куни . 1102 -да руйхатга олинган эди мурожаатим.

Июнь 13, 2021  17:31

3.Ахмедов Шавкат

Мен хам 1102 ишонч телефонига мурожаат килганман 17.01.2021 йил . Самарканд ИИБ-3-гом , ва Иштихон тумани ИИБ ходимларининг хатти харакати буйича. Лекин шу кунгача хеч кандай жавоб олганим йук.? .Кеча12.06.2021. ва бугун 13.06.2021 . 1102 кунгирок килдим. навбатим 13-эди менга навбат келганда . телефон бирданига короткий овоз булиб учди . Бир неча бор уриндим тушаман деб ., лекин туша олмадим. Нима керак бунака 1102- номига расмиятчилик учунми?..

Январ 29, 2021  00:13

4.Махсуд Рахимов

Хакикатдан хам 1102-ишонч номерига ишониб булмас экан. Мен бир неча бор мурожаат килгандим лекин мурожаатимни умуман куриб чикишмади.

Июнь 18, 2020  14:19

5.Камолиддин Эшмаматов

УКАМ АМИРИЛЛАЕВ ЖАВОХИР ИШИ БУЙИЧА унга тергов давомида терговчилар 205чи 234чи ва 235 модарни ишлатиб расво килган



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация