Ҳайдовчилик гувоҳномасини алмаштиришда талаб қилинадиган ҳужжатлар тўрттага камайди
Расм манбаси : ЎзА
Энди фақат паспорт, эски намунадаги гувоҳнома ва унинг талони сўралади
Вазирлар Маҳкамасининг 2019 йил 9 мартдаги 202-сон қарори билан миллий ҳайдовчилик гувоҳномасини бериш тартиби тўғрисидаги қонунчиликка қўшимча киритилди.
Адлия вазирлиги телеграм канали хабар беришича, Низомга киритилган қўшимчаларга мувофиқ, гувоҳномаларни алмаштиришда қуйидагиларни талаб қилиш тақиқланди:
ҳайдовчининг имтиҳон варақаси;
миллий гувоҳномани берган ЙҲХБ тасдиқномаси;
тиббий маълумотнома;
транспорт воситасини 12 ой бошқарганлигини тасдиқловчи ҳужжат.
Яъни, 2020 йил 31 декабргача миллий ҳайдовчилик гувоҳномаларини янги гувоҳномаларга алмаштириш учун паспорт ва эски намунадаги ҳайдовчилик гувоҳномаси ҳамда унинг талонигина тақдим этилади.
0 изоҳлар
Изоҳ қолдириш