Ҳукумат фаолияти устидан парламент назорати кучайтирилади



 
  Расм манбаси : Uza.uz

Вазирлар Маҳкамаси аъзолигига номзодлар парламентда кўриб чиқилади, ҳукумат давлат дастурларининг ижроси юзасидан депутатларга ҳисоб бериши жорий этилади

Олий Мажлис Сенати ялпи мажлисида «Ҳукуматни шакллантириш тартиби демократлаштириши ва унинг масъулияти кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Ўзбекистон Республикаси қонуни маъқулланди. Бу ҳақда ЎзА хабар берди.

Қонун ҳукумат ишини ташкил этишни тубдан яхшилаш, ижро этувчи ҳокимият органларининг бугунги кун талабига жавоб берадиган, сифат жиҳатидан янги тизимини шакллантиришга қаратилган.

Унга кўра, Ўзбекистон Республикаси Вазирлар Маҳкамаси аъзолари номзоди Ўзбекистон Республикаси Олий Мажлиси Қонунчилик палатаси мажлисида кўриб чиқилиб, маъқулланганидан кейингина Ўзбекистон Республикаси Президенти томонидан лавозимга тасдиқланиш тартиби жорий этилмоқда.

Барча даражадаги ижро этувчи ҳокимият органлари ва улар раҳбарлари фаолиятини аниқ кўрсаткичларга эришишга ҳамда иқтисодиёт тармоқлари, ижтимоий соҳа ва бошқа соҳаларни стратегик ривожлантиришнинг яқин, ўрта ва узоқ муддатли истиқболга мўлжалланган дастурлари амалга оширилиши сифати ва самарадорлигига асосланган ҳолда баҳолаш тизими яратилади.

Ўзбекистон Республикаси президентининг Ўзбекистон Республикаси Олий Мажлисга мурожаатномасидан келиб чиқадиган, тегишли йилга мўлжалланган давлат дастури бажарилиши юзасидан ҳар чорак якуни билан ҳисобот тақдим этиб боришлари тўғрисидаги тартиб жорий этилмоқда.

2019-03-04 12:42:11  |  1659 |   0  | 

0 изоҳлар



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация