Cуд-тиббий экспертиза тизими такомиллаштирилади



 
  Расм манбаси : "Ҳуқуқий ахборот" канали

Замонавий ахборот-коммуникация технологияларини жадаллик билан жорий этиш суд-тиббий хизматини ислоҳ қилишнинг асосий йўналиши этиб белгиланди

Ўзбекистон Республикаси Соғлиқни сақлаш вазирлиги суд-тиббий хизмати фаолиятини янада такомиллаштириш чора-тадбирлари тўғрисидаги президент қарори қабул қилинди.

Адлия вазирлиги телеграм-каналининг ёзишича, қарор билан Суд-тиббий экспертиза бош бюросини Республика суд-тиббий экспертиза илмий-амалий маркази этиб қайта ташкил этиш шунингдек, Марказнинг Тошкент шаҳар филиалини ташкил қилиш кўзда тутилган.

Суд-тиббий экспертиза фаолиятига замонавий ахборот-коммуникация технологияларини жадаллик билан жорий этиш суд-тиббий хизматини ислоҳ қилишнинг асосий йўналиши этиб белгиланди.

Қарорга мувофиқ, Қорақалпоғистон Республикаси, вилоятлар ва Тошкент шаҳар суд-тиббий экспертизалари Марказнинг ҳудудий филиаллари ҳисобланади ва ўз фаолиятида Марказга бўйсунади.

Қарор билан Марказ ва унинг ҳудудий бўлинмаларига пуллик хизматлар кўрсатиш ҳуқуқи берилади.

Пуллик хизматлардан тушган маблағларнинг 50 фоизигача бўлган қисми Тиббиёт муассасаларини моддий рағбатлантириш ва ривожлантириш жамғармасига йўналтирилади.

Марҳумлар жасадини ташиш Тошкент шаҳар тез тиббий ёрдам хизмати ва Республика шошилинч тиббий ёрдам илмий марказининг ҳудудий филиалларидан Марказ ва унинг ҳудудий филиалларига ўтказилади.

Тошкент шаҳрида Олмазор, Сергели, Юнусобод ва Яшнобод туманлараро суд-тиббий экспертиза пунктлари очиш чора-тадбирлари амалга оширилади.

Суд-тиббий хизмат фаолияти соҳасида электрон маълумотлар базаси яратилади.

Шунингдек, қарор билан Соғлиқни сақлаш вазирлиги суд-тиббий хизматининг моддий-техник базасини тубдан яхшилаш бўйича чора-тадбирлар дастури тасдиқланди.

Дастур доирасида танатология бўлимлари (морглар) ва лаборатория бўлинмаларида суд-тиббий ва криминалистик тадқиқотларни ISO 9001 ва 17025 халқаро мезонларига мувофиқ ўтказиш учун уларни совуткичли камералар, секцияли тўпламлар, замонавий жиҳозлар, ускуналар, бутловчи қисмлар ва реактив моддалар билан таъминлаш назарда тутилган.

2018-12-06 16:29:43  |  2109 |   0  | 

1 изоҳлар

Июнь 15, 2021  11:31

1.Собит

Мен Қарши шаҳрида адвокатлик фаолияти билан шуғулланаман ҳар сафар хизмат юзасидан вилоят стэ га келсам телефон олиб кириш мумкин эмас бошлиқ Рўзиева Зебо Меглиевани топшириғи бор деб айтишади лекин мен шунга асос қилиб ўша буйруқдан нусха беринглар десам бу мумкин эмас деб жавоб қайтаришади миллий гвардия ходимлари шунга менга телефон олиб кириш мумкин эмаслигини тасдиқловчи маълумот беришларингизни сўрайман



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация