Ўзбекистонда халқаро фирмаларни аккредитациядан ўтказиш муддатини 10 иш кунидан 5 иш кунига қисқартириш режалаштирилмоқда. Аккредитациядан ўтганлиги ҳақидаги сертификат бир иш кунида берилади. Бу ҳақда Инвестициялар бўйича давлат қўмитаси томонидан муҳокама порталида чиқарилган қонун лойиҳасида келтирилган, деб хабар беради Турон24 агентлиги.

Аккредитация олиш учун тўлов суммаси эса ўзгаришсиз қолади – 1200 АҚШ доллари.

Қайд этиш жоизки, авваллари халқаро фирмаларни Ўзбекистонда аккредитация қилишда тўлдириладиган ариза бланкасида 4 та банд бўлса, энди 20 та бандни тўлдиришга тўғри келади.

Бундан ташқари халқаро фирмаларда энди беш нафаргача хорижий фуқаро ишлаши мумкин бўлади ҳамда уларнинг шахсий аккредитацияси бўйича рўйхатдан ўтиш муддати 10 иш кунидан 5 иш кунига қисқартирилади.

2018-09-19 12:39:58  |  2226 |   0  |