«Чорсу» бозори электрдан 2 млрд қарз, мутасаддиларга жиноий иш очилган
Шайхонтоҳур тумани МИБ ходимлари «Чорсу» бозорининг («Эски Жўва деҳқон бозори» АЖ) электр энергиясидан 2 миллиард сўмдан ортиқ қарздорлиги борлигини аниқлади. Бу ҳақда МИБнинг пойтахтдаги бўлими маълумотига таяниб «Repost» хабар берди.
Таъкидланишича, «Чорсу» бозорида электр энергиясидан ноқонуний равишда фойдаланилиши оқибатида 4 йил давомида давлатга катта миқдорда зиён етказилган. МИБ ходимлари томонидан бозор мутасаддиларига нисбатан ЖКнинг 185-моддаси II ва IV қисмлари билан жиноий иш қўзғатилгани айтилмоқда.
Айни пайтда, «Чорсу» бозорига тегишли бўлган банк ҳисоб рақамлари “музлатилган”. Ҳисоб рақамидаги қолдиқ сумма – 172 млн сўм давлат ҳисобига ўтказилган. Бундан ташқари, МИБ ходимлари томонидан қарздорнинг қиймати 11 мрлд сўм бўлган мол-мулки хатланган.
Маълум қилинишича, «Эски Жўва деҳқон бозори» қарздорлиги қопланмаган тақдирда, 1,5 млрд сўм қийматдаги мол-мулк давлат фойдасига мусодара қилинади.
1 изоҳлар
1.Нодира
Свет экан кадишева бозорида хам тез тез свет учади лекин тадбиркорлар хар ой вактида тулийди нима учун шундай хамма хайрон и жонига тегиб кетган рахбарлар каерга карамокда
Изоҳ қолдириш