Оқтўба фожиаси бўйича айбдорларга ҳукм ўқилди



 
  Расм манбаси : Қозоғистон ФВВ

Қозоғистонда 52 нафар Ўзбекистон фуқаросининг автобусдаги ўлимига жавобгар бўлган шахслар 3,5 йилдан 5 йилгача қамоқ жазосига маҳкум этилди, деб хабар беради Тuron24.

Оқтўба вилоятининг Ихтисослашган туманлараро жиноят ишлари суди судьяси 2018 йилнинг 18 январида “Самара – Чимкент” йўналишидаги автобус ёнғинида Ўзбекистоннинг 52 нафар фуқароси вафот этгани бўйича жиноий иш қўзғаган.

Суд Қозоғистон Жиноят кодексининг 292-моддаси (Ёнғин хавфсизлиги талаблари бузилиши) ва 345-моддаси (Йўл ҳаракати қоидалари ёки транспорт воситаларини бошқарувчи шахслар) билан учта ҳайдовчи – Қозоғистон фуқароси Барат Танатов, Нуржан Қирғизбоев ва Максат Пернебековларни одамларни ташиш ва автотранспорт воситаларини 7 йил муддатга бошқариш ҳуқуқидан маҳрум этган ҳолда 5 йилгача озодликдан маҳрум қилиш шаклида жазолади.

“Азиатрансзитсервис” масъулияти чекланган жамияти директори Нурлибек Тлепбаев ЖКнинг 254-моддаси (вазифасига нисбатан совуққонлик билан муносабатда бўлиш), 348-моддаси (транспорт воситаларининг нотўғри таъмирланиши ёки техник носозлик билан ишлагани), 385-моддаси (сохта ҳужжатлар, Қозоғистон Республикаси Жиноят кодексининг почта маркалари, шакллари, почта тўловлари давлат белгилари, давлат мукофотлари) билан айбдор деб топилди ва 5 йил муддатга одамларни ташиш билан боғлиқ фаолият билан шуғулланиш ҳуқуқидан маҳрум этилган ҳолда 3,5 йилга озодликдан маҳрум этиш билан жазоланди.

Ташувчи компания механиги Баходир Пардейбаев Қозоғистон Республикаси Жиноят кодексининг 348-моддаси (транспорт воситаларининг нотўғри таъмирланиши ёки техник камчиликлар билан ишлашига йўл қўйиш)га асосан 5 йил муддатга транспорт воситаларининг техник ҳолатини текшириш билан боғлиқ фаолият билан шуғулланиш ҳуқуқидан маҳрум қилинган ҳолда 3,5 йилга озодликдан маҳрум этилди.

2018-11-09 17:21:47  |  1678 |   0  | 
  • Teglar orqali izlash:

0 изоҳлар



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация