Ўзбекистон исталган таълим шаклида олинган хорижий дипломларни тан олади



 
  Расм манбаси : itm.uz

Хориждаги дипломларни нострификация қилиш яна ҳам осонлашди

Вазирлар Маҳкамасининг 2019 йил 29 мартдаги 261-сонли қарорига биноан, «Хорижий давлатларда таълим олганлик тўғрисидаги ҳужжатларни тан олиш ва нострификациялаш (эквивалентлигини қайд этиш) тартиби тўғрисида»ги низомга ўзгартириш киритилди.

Ҳуқуқшунос Хушнудбек Худойбергановнинг ёзишича, хорижий давлатларда таълим олганлик тўғрисидаги ҳужжатни тан олиш талаблари рўйхатидан таълим тўғрисидаги ҳужжат Ўзбекистон Республикасида амалда мавжуд бўлган таълим шаклида ўқиб олинган бўлиши кераклиги ҳақидаги қоида Низомдан чиқариб ташланган.

Бу нима дегани?

Илгари хорижда олинган диплом албатта Ўзбекистонда мавжуд бўлган таълим шаклида бўлиши керак эди. Масалан, бизда анча йиллар сиртқи ва кечки таълим мавжуд эмасди. Шу сабабли хорижда сиртқи ва кечки таълимда ўқиганларнинг дипломи нострификация қилинмас, яъни тан олинмасди.

Ёки худди шу каби муаммо ҳозиргача масофавий (дистанцион) таълимда ҳам бор. Яъни бугунги кунда Ўзбекистонда масофавий таълим шакли йўқ, шу сабабли хорижий ОТМларда масофавий ўқиб, олинган дипломлар бизда тан олинмайди.

Эндиликда эса, худди шу талаб бекор бўлди ва бемалол исталган таълим шаклида олинган хорижий дипломлар ҳам Ўзбекистонда тан олиниши мумкин!

Кези келганда айтиш керак, бу жуда катта ўзгариш. Таълим тизимида айримларнинг миясига ўрнашиб қолган эскилик сарқитлари парчаланаётганидан бағоятда хурсандмиз, деб ёзади ҳуқуқшунос.

2019-03-31 19:02:02  |  4575 |   0  | 

83 изоҳлар

Ноябрь 25, 2020  15:58

1.Таҳририят

Ҳурматли Муҳаммад ! Аввало, Тожикистонда сиз айтган номдаги ОТМ мавжудлиги тўғрисида маълумот топа олмадик. Демак, сиз Тожикистон техника университети (http://ttu.tj/ru/main/) ёки Тожикистон технология университетини (https://tut.tj/?page_id=1742&lang=ru) назарда тутган бўлишингиз мумкин. Хорижий ОТМ дипломи Ўзбекистон Республикасида тан олиниши учун мазкур муассасадаги таълим шакли Ўзбекистон Республикаси Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низом талабларига мувофиқ бўлиши лозим. Жумладан, мазкур олий таълим муассасаси Тожикистон Республикасида давлат аккредитациясидан рўйхатдан ўтган ва шу давлат томонидан тан олинган бўлиши шарт. Шу билан бирга, таълим муассасасининг таълим стандартлари ёки таълим дастурлари ҳам Ўзбекистон Республикасининг амалдаги давлат таълим стандартлари ва таълим дастурларига мос тушуши зарур. Шунингдек, юқоридаги хорижий олий таълим муассасаси тўғрисидаги маълумот олиш масаласида Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясининг +71 231-07-53 телефон рақамига қўнғироқ қилишингиз мумкин. (Жавоб Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси мутахассиси билан ҳамкорликда тайёрланди)

Ноябрь 25, 2020  15:55

2.Таҳририят

Ҳурматли Ғайрат ! Хорижий олий таълим муассасаларининг дипломи Ўзбекистон Республикасида тан олиниши учун мазкур муассасадаги таълим шакли Ўзбекистон Республикаси Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низом талабларига мувофиқ бўлиши лозим. Жумладан, мазкур олий таълим муассасаси Туркия давлатида давлат аккредитациясидан рўйхатдан ўтган ва шу давлат томонидан тан олинган бўлиши шарт. Шу билан бирга, таълим муассасасининг таълим стандартлари ёки таълим дастурлари ҳам Ўзбекистон Республикасининг амалдаги давлат таълим стандартлари ва таълим дастурларига мос тушуши зарур. Шунингдек, юқоридаги хорижий олий таълим муассасаси Топ-1000 рўйхатига кирган ёки кирмаганлиги масаласида Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекциясининг +71 231-07-53 телефон рақамига қўнғироқ қилишингиз мумкин. (Жавоб Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси мутахассиси билан ҳамкорликда тайёрланди).

Ноябрь 25, 2020  15:45

3.Шавкат

Ассалому алайкум. Жияним Ульянов давлат аграр университетини тугатди. Унинг дипломи нострификациядан ўтказиладими?

Ноябрь 24, 2020  09:38

4.Мухаммад

Тожикистон давлат техника институти сиртқи таьлимда ўқимоқчиман шу институти хақида маълумот беринг Ўзбекистонга ўтадими?

Ноябрь 23, 2020  19:54

5.Гайрат

Факултети иктисодиёт йуналиши халкаро муносабатлар

Ноябрь 23, 2020  19:52

6.Гайрат

Ассалому алайкум мени фарзандим Туркиядаги Карабюк университетига онлайн хужжат топшириб кирди. Ушбу университет топ 1000га кирадими ва дипломи бизда утадими. Бир маълумотида ушбу университет топ 1000да 801 уринда турганлигини курсатилган руйхат ташаганди. Шу тугрими жавоб учун олдиндан рахмат.

Ноябрь 22, 2020  15:07

7.Таҳририят

Ҳурматли Акмал Бурханов ! Саволингизда қайси хорижий олий таълим муассасаси ва қайси таълим шаклида ўқиётганлигингиз ҳақида тўлиқ кўрсатиб ўтмагансиз. Бироқ, хорижий олий таълим муассасаси қандай бўлишидан қатъи назар, Ўзбекистон Республикасидаги олий таълим муассасаларига ўқишни кўчириш учун аввало, мазкур хорижий таълим муассасаси Тожикистон Республикасида давлат аккредитациясидан рўйхатдан ўтган ва шу давлат томонидан тан олинган бўлиши шарт. Шу билан бирга, таълим муассасасининг таълим стандартлари ёки таълим дастурлари ҳам Ўзбекистон Республикасининг амалдаги давлат таълим стандартлари ва таълим дастурларига мос тушуши зарур. Юқоридагилардан келиб чиқиб, Сизга, ўқишни кўчириш масаласида Ўзбекистон Республикаси Вазирлар Маҳкамасининг 2017 йил 20 июндаги 393-сон қарори билан тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низом асосида тегишли ҳужжатларни ҳар йили 15 июлдан 5 августгача бўлган муддатда Ўзбекистон Республикаси Олий ва ўрта махсус таълим вазирлигига тақдим этишингиз тавсия этилади. Ўқишни кўчириш ёки кўчирмаслик бўйича якуний қарорни эса амалдаги Низомга кўра Давлат комиссияси чиқаради. Қўшимча саволлар билан Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекциясининг 71-231-07-53 телефон рақамига қўнғироқ қилишингиз мумкин. (Жавоб Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси мутахассиси билан ҳамкорликда тайёрланди).

Ноябрь 22, 2020  11:23

8.Акмал Бурханов

Мен Тожикистон Республиками С.Айнийда укийман хукукшунос йуналишида Узбекистонга перевод килсам буладими



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация