Ўзбекистон исталган таълим шаклида олинган хорижий дипломларни тан олади



 
  Расм манбаси : itm.uz

Хориждаги дипломларни нострификация қилиш яна ҳам осонлашди

Вазирлар Маҳкамасининг 2019 йил 29 мартдаги 261-сонли қарорига биноан, «Хорижий давлатларда таълим олганлик тўғрисидаги ҳужжатларни тан олиш ва нострификациялаш (эквивалентлигини қайд этиш) тартиби тўғрисида»ги низомга ўзгартириш киритилди.

Ҳуқуқшунос Хушнудбек Худойбергановнинг ёзишича, хорижий давлатларда таълим олганлик тўғрисидаги ҳужжатни тан олиш талаблари рўйхатидан таълим тўғрисидаги ҳужжат Ўзбекистон Республикасида амалда мавжуд бўлган таълим шаклида ўқиб олинган бўлиши кераклиги ҳақидаги қоида Низомдан чиқариб ташланган.

Бу нима дегани?

Илгари хорижда олинган диплом албатта Ўзбекистонда мавжуд бўлган таълим шаклида бўлиши керак эди. Масалан, бизда анча йиллар сиртқи ва кечки таълим мавжуд эмасди. Шу сабабли хорижда сиртқи ва кечки таълимда ўқиганларнинг дипломи нострификация қилинмас, яъни тан олинмасди.

Ёки худди шу каби муаммо ҳозиргача масофавий (дистанцион) таълимда ҳам бор. Яъни бугунги кунда Ўзбекистонда масофавий таълим шакли йўқ, шу сабабли хорижий ОТМларда масофавий ўқиб, олинган дипломлар бизда тан олинмайди.

Эндиликда эса, худди шу талаб бекор бўлди ва бемалол исталган таълим шаклида олинган хорижий дипломлар ҳам Ўзбекистонда тан олиниши мумкин!

Кези келганда айтиш керак, бу жуда катта ўзгариш. Таълим тизимида айримларнинг миясига ўрнашиб қолган эскилик сарқитлари парчаланаётганидан бағоятда хурсандмиз, деб ёзади ҳуқуқшунос.

2019-03-31 19:02:02  |  2210 |   0  | 

36 изоҳлар

Март 26, 2020  09:46

1.дилшод

ассалому алайкум мен УлГУ яни уляновский государственный университетда укидим бакалавур дипломини олганман . саволим шуки мен хозирги карантин булаётган кунда дипломимни нострификация килиш учунмасофавий тест топширсам буладими

Феврал 27, 2020  23:46

2.ТАҲРИРИЯТДАН

АДВОКАТ ЖАВОБИ: Ҳурматли Нилуфар Жўрабоева, Ўзбекистон Республикаси Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низомнинг 45-моддасида хорижий таълим тўғрисидаги ҳужжат гувоҳнома билан биргаликда тақдим этилганда Ўзбекистон Республикаси ҳудудида қонуний кучга эга бўлиши кўрсатилган. Яъни мазкур моддада хорижий давлатда олий таълим олганлик тўғрисидаги ҳужжат (диплом)ни тан олиш ҳақидаги Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси томонидан берилган гувоҳнома назарда тутилган. Шунга кўра хорижий ОТМда ўқиётганингиз тўғрисидаги маълумотнома қонуний кучга эга бўлмайди. Қўшимча саволлар билан Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясининг 71-231-07-53 телефон рақамига қўнғироқ қилишингиз мумкин.

Феврал 22, 2020  01:48

3.Рустам

Ассаломуалейкум саволим мен Россияда юридический факультетида укияпман дипломим тан олинадими ?

Феврал 21, 2020  01:19

4.Курамбоев Зохидбек

Мен Россия да Синергия деган университетни заочни масофавий йоналишида окийман университет не государстини болиб лекин гасударни диплом бериш хукикига ега окиш муддати 4 йилу 6 ой бу университет дуплонини узбекистонда тан олиши мумкинми шу саволимга жавоб берсангиз илтимос

Феврал 13, 2020  23:18

5.ТАҲРИРИЯТДАН

Ҳурматли УМИДЖОН! Саволингизда қайси таълим шакли (кундузги, сиртқи, кечки ёки масофавий) бўйича ўқиётганлигингиз ҳақида кўрсатиб ўтилмаган. Шу боис умумий тартибда жавоб берадиган бўлсак, хорижий олий таълим муассасаларининг дипломини Ўзбекистон Республикасида тан олиниши учун, аввало, ундаги таълим шакли Ўзбекистон Республикаси Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низом талабларига мувофиқ бўлиши лозим. Яъни, мазкур олий таълим муассасаси Қозоғистон Республикасида давлат аккредитациясидан рўйхатдан ўтган ва шу давлат томонидан тан олинган бўлиши шарт. Шу билан бирга, хорижий таълим муассасасининг таълим стандартлари ёки таълим дастурлари ҳам Ўзбекистон Республикасининг амалдаги давлат таълим стандартлари ва таълим дастурларига мос тушуши зарур. Шунингдек, Ўзбекистон Республикасининг 17.06.2019 йилдаги “2019/2020 ўқув йилида Ўзбекистон Республикасининг Олий таълим муассасаларига ўқишга қабул қилишнинг давлат буюртмаси параметрлари тўғрисида”ги ПҚ-4359-сон қарорига кўра республикамизда фақат кундузги, сиртқи ва кечки таълим шакллари асосида таълим дастурлари олиб борилиши кўрсатилган (Эслатма: Ўзбекистонда масофавий таълим шакли жорий этилмаган. Бу эса хорижий таълим муассасаларининг масофавий таълим шаклида ўқитилган дипломлари тан олинмаслигини билдиради). Демак, Сиз таҳсил олаётган хорижий олий таълим муассасаси юқорида қайд этилган қонунчилик талабларига жавоб берган тақдирдагина у томонидан берилган дипломнинг Ўзбекистон Республикасида нострификация қилинишига рухсат берилади. Бунинг учун эса дипломингизни тегишли ҳужжатлар билан бирга Ўзбекистон Республикасидаги давлат хизматлари марказларига тақдим этасиз. Шунда ҳужжатларингиз Вазирлар Маҳкамаси ҳузуридаги таълим сифатини назорат қилиш давлат инспекциясида тузилган махсус комиссия томонидан ўрганиб чиқилиб, дипломингизнинг Ўзбекистон Республикасида тўғридан-тўғри ёки тест синовлари топшириш орқали тан олиниши ҳақида маълумот берилади. Қўшимча саволлар билан Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекциясининг 71-231-07-53 телефон рақамига қўнғироқ қилишингиз мумкин.

Феврал 12, 2020  08:20

6.Нилуфар

Мен 2019 йил Қирғиз Ўзбек университетини битириб бакалавр даражали дипломни олдим. Нострификация шартлари қандай, Андижон вилоятиданман, ўз ҳудудимда нострификация қилиш имконияти борми?

Феврал 11, 2020  12:37

7.ТАҲРИРИЯТДАН

АДВОКАТ ЖАВОБЛАРИГА ҚЎШИМЧА: Хорижда таҳсил олаётган талабаларнинг ўқишини Ўзбекистонга кўчириш шарт-шароитлари ҳақидаги саволларингизга биз амалдаги қонун ҳужжатлари асосида жавоб берган эдик. Жумладан, Ўзбекистон Республикаси Вазирлар Маҳкамасининг 2017 йил 20 июндаги 393-сон қарори билан тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низомнинг 15-бандига асосан, олий таълим муассасалари талабалари ўқишини кўчириш бўйича аризаларини ҳар йили 15 июлдан 5 августга қадар беришлари кераклигини ҳамда бу аризалар олий таълим муассасаси, тегишли вазирлик ёки Давлат комиссияси томонидан кўриб чиқилиб, ҳар йили 5 августдан 30 августга қадар қарор қабул қилинишини маълум қилганмиз. Бироқ, тушунмовчилик бўлиб қолмаслиги учун бугун қўшимча равишда маълум қилмоқчмизки, Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2020 йил 4 февралдаги 12-сон баёни билан қўшни давлатлар (Тожикистон, Қирғизистон ва Қозоғистон)даги олий таълим муассасаларида таҳсил олаётган Ўзбекистон Республикаси фуқароларидан ўқишини республикамиз олий таълим муассасаларига кўчириш бўйича ариза қабул қилиш учун истисно тариқасида янги муддат белгиланди. Яъни, бундай АРИЗАЛАРНИ 2020 ЙИЛНИНГ 7 ФЕВРАЛИДАН 15 ФЕВРАЛИГА ҚАДАР ҲАР КУНИ СОАТ 9:00 ДАН 17:00 ГАЧА ҚАБУЛ ҚИЛИШ ВА СУҲБАТЛАР ЎТКАЗИШ БЕЛГИЛАНДИ. Ўқиш кўчириладиган ОТМлар фуқаронинг доимий яшаш манзили бўйича (ОТМнинг сиғими ёки ҳудуддаги ОТМда тегишли соҳа бўйича бакалавриат таълим йўналишлари мавжуд бўлмаган ҳолатларда, истисно тариқасида, бошқа вилоятдаги ОТМга тавсия этилиши мумкин) ҳамда хорижда талаба ўқиётган бакалавриат таълим йўналишларининг хусусиятларини инобатга олган ҳолда, асосан сиртқи ва кечки таълим шаклларига тавсия этилади. Хорижий олий таълим муассасаларидан талабалар ўқишини республика олий таълим муассасаларига кўчириш тўлов-контракт асосида амалга оширилади. Мазкур масалада қўшимча маълумотларни олиш учун Ўзбекистон Республикаси Олий ва ўрта махсус таълим вазирлигининг – 71-246-38-57 телефон рақамига қўнғироқ қилиб, вазирлик мутахассисларига мурожаат қилишингиз мумкин.

Феврал 02, 2020  18:17

8.АДВОКАТ МАСЛАҲАТИ

Ҳурматли Дилдора! ЖАВОБ: Тожикистон Республикасида фаолият кўрсатаётган Б.Ғофуров номидаги Хўжанд Давлат университети ҳақида маълумотга эга эмасмиз, шу сабабли Сиз аввало ўзингиз таҳсил олаётган Университет ва ундаги таълим шакли Ўзбекистон Республикаси Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низом талабларига мувофиқ келишини текшириб кўришингиз лозим. Яъни мазкур олий таълим муассасаси, аввало, Тожикистон Республикасида давлат аккредитациясидан рўйхатдан ўтган ва шу давлат томонидан тан олинган бўлиши шарт. Шу билан бирга, таълим стандартлари ёки таълим дастурлари ҳам Ўзбекистон Республикасида амалда бўлган давлат таълим стандартлари ва таълим дастурларига мос тушуши зарур. Зеро, Ўзбекистон Республикаси Вазирлар Маҳкамасининг 2017 йил 20 июндаги 393-сон қарори билан тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низомнинг 9-бандига кўра, Хорижий давлатларнинг аккредитацияга эга бўлмаган олий таълим муассасаларида ёки уларнинг филиалларида ўқиган ҳамда Ўзбекистон Республикаси олий таълим муассасаларидаги мавжуд таълим шаклидан ўзга (бошқа) таълим шаклида ўқиган фуқаронинг ўқишни кўчириш ва қайта тиклаш ҳақидаги аризасига рад жавоби берилиши мумкин. Агар барча талаблар мувофиқ келса, юқорида қай этилган Низомнинг 15-бандига кўра ўқишни кўчириш бўйича аризалар билан 15 июлдан 5 августга қадар Ўзбекистондаги ўқишингизни кўчирмоқчи бўлган ОТМга мурожаат қилишингиз керак бўлади. Бундай аризалар, Низомга кўра, олий таълим муассасаси, тегишли вазирлик ёки Давлат комиссияси томонидан кўриб чиқилиб, шу йилнинг 5 августидан 30 августига қадар қарор қабул қилинади. Шуни ҳам билишингиз керакки, мазкур Низомнинг 23-банди талабига кўра: “Хорижий олий таълим муассасаларидан ўқишини Ўзбекистон Республикаси олий таълим муассасаларига кўчириш ва кўчириб қайта тиклаш истагини билдирган Ўзбекистон Республикаси фуқаролари тизимида олий таълим муассасалари мавжуд вазирлик ва идораларда ташкил қилинган комиссияларда ўқиши кўчирилаётган олий таълим муассасаларининг муайян таълим йўналишидаги ўқишга кириш фанлари бўйича ўқийдиган тилида махсус синов (комиссия томонидан белгиланган тест ёки ёзма иш ёки касбий (ижодий) имтиҳон шаклида) топширади. Турмуш ўртоғи ёки ота-онаси хорижий давлатдаги давлат хизматини ўташ жойи Ташқи ишлар вазирлиги томонидан Ўзбекистон Республикасига ўтказилган, Ҳукумат қарорлари ва топшириқлари ҳамда олий таълим муассасаларига эга вазирлик ва идоралар томонидан давлат буюртмаси билан хорижга ўқишга юборилганларнинг ўқишини Ўзбекистон Республикаси олий таълим муассасаларига кўчириш махсус синовларсиз Давлат комиссияси қарорига асосан амалга оширилади. Фуқаронинг махсус синов (комиссия томонидан белгиланган тест ёки ёзма иш ёки касбий (ижодий) имтиҳон шаклида) натижаси Давлат комиссиясига тақдим этилади. Махсус синов (комиссия томонидан белгиланган тест ёки ёзма иш шаклида) натижасидан келиб чиқиб, фуқаро Давлат комиссияси қарори билан кўрсатилган ўқув шаклидаги гуруҳларга тўлов-контракт асосида кўчирилади. Кўчирилаётган олий таълим муассасасида тегишли ўқитиш тили мавжуд бўлмаса, ўқитиш тилини танлаш фуқаронинг аризасига мувофиқ амалга оширилади”. Саволингизга доир яна қўшимча маълумотларни олиш учун Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекциясининг мутахассисларига 71-231-07-53 рақами орқали қўнғироқ қилишингиз мумкин.



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация