Қорамолчиликда ветеринария назорати кучайтирилади



 
  Расм манбаси : focusedcollection.com

Ветеринария ва чорвачилик соҳасида давлат бошқаруви тизимини тубдан такомиллаштиришга тўғрисида Президент қарори қабул қилинди

Адлия вазирлиги ўзининг Telegram-каналида мазкур ҳужжатнинг энг муҳим бандларини санаб ўтди.

Қарор билан Давлат ветеринария қўмитаси Ветеринария ва чорвачиликни ривожлантириш давлат қўмитаси этиб қайта ташкил этилди, у мазкур соҳада ягона давлат сиёсатини амалга оширади.

Қуйидагилар Қўмита таркибига ўтказилди:

Самарқанд ветеринария медицинаси институти ва унинг академик лицейи;

Чорвачилик ва паррандачилик илмий-тадқиқот институти;

Қоракўлчилик ва чўл экологияси илмий-тадқиқот институти;

Балиқчилик илмий-тадқиқот институти.

Қўмита ҳузурида иккита янги ташкилот – Ветеринария хизмати ва чорвачиликни ривожлантириш жамғармаси ҳамда «Ўзбекчорванасл» агентлиги ташкил этилади.

Қабул қилинган ҳужжатда белгиланишича, 2020 йил 1 январдан:

100 бошли чорва ва 100 минг парранда бўлган хўжаликларда ветеринария врачи ва зоотехник штати жорий этилади;

қорамолчилик йўналишидаги хўжаликлардаги ҳамда аҳоли қарамоғидаги сигирлар селекция режасига асосан наслли буқалар уруғи билан сунъий уруғлантирилади;

туман ҳокимлари келгуси йилга озуқа экинларини жойлаштириш режасини «Ўзбекчорванасл» агентлигининг ҳудудий бошқармалари билан келишади.

2019-03-29 21:09:14  |  1006 |   0  | 

0 изоҳлар



Изоҳ қолдириш







Кириш Регистрация
Парольни унутдингизми?
Кириш Регистрация
Кириш Регистрация
Регистрация