Қолгани – бу ерга ишлаш ва вақтинча яшаш мақсадида келганлар томонидан содир этилаётгани айтилмоқда

Тошкент шаҳрининг Бектемир тумани ҳудудида юз бераётган жиноятларнинг атиги 10 фоизи туманда муқим яшаётган фуқаролар томонидан содир этилади. Қолган жиноятлар эса бу ерга ишлаш ва вақтинча яшаш мақсадида келганлар ҳиссасига тўғри келиши айтилмоқда. Бу ҳақда Тошкент шаҳар жиноят, фуқаролик, маъмурий ва иқтисодий судларнинг тумандаги сайёр учрашуви чоғида маълум қилинди, деб хабар беради ЎзА.

Таъкидланишича, туманда учта йирик бозор жойлашганлиги сабабли ҳар йили 15 минг фуқаро тадбиркорлик қилиш мақсадида вақтинча яшаш учун ҳудудга кўчиб келади.

Учрашувда ҳуқуқбузарликларнинг олдини олиш ва жиноятчиликка қарши курашиш каби масалалар юзасидан фикр алмашилди.

2019-02-28 19:36:58  |  1640 |   0  |