Машинасида одам уриб ўлдирган шахсга 4 йил озодликни чеклаш жазоси тайинланди
А.Булаковга нисбатан қўлланилган ЖКнинг 266-моддаси иккинчи қисмида 7 йилгача озодликдан маҳрум этиш жазоси кўзда тутилган
Жиноят ишлари бўйича Самарқанд туман судида машинада одам уриб юбориб, унинг ўлимига сабабчи бўлган ҳайдовчининг суди бўлиб ўтди.
Ҳодиса 2018 йил 23 ноябрь куни соат тахминан 10:30 атрофида содир бўлган. Lacetti автомашинасини бошқариб кетаётган Абдуманон Булаков Самарқанд тумани «Ўзбеккенти» маҳалласи ҳудудидан ўтувчи маҳалла ички йўлида 1962 йилда туғилган Т.У.ни уриб юборган. Натижада Т.У. оғир тан жароҳатлари олиб, воқеа жойида вафот этган.
«Дарё» хабарига кўра, Жиноят ишлари бўйича Самарқанд туман судининг «Ўрташиқ» маҳалласи биносида бўлиб ўтган сайёр суд мажлисида судланувчи Булаков айбига тўлиқ иқрор бўлиб, қилган ишидан пушаймонлик билдирган.
Суд ҳукмига кўра, Абдуманон Булаков Ўзбекистон Республикаси Жиноят Кодексининг 266-моддаси 2-қисмида назарда тутилган жиноятни содир этганликда айбли деб топилиб 3 йил транспорт воситасини бошқариш ҳуқуқидан маҳрум қилиниб, 4 йил озодликни чеклаш жазоси тайинланди.
Маълумот учун, ЖКнинг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) иккинчи қисмида (мазкур қилмиш одам ўлишига сабаб бўлса) муайян ҳуқуқдан маҳрум қилиб, етти йилгача озодликдан маҳрум қилиш назарда тутилган.
8 изоҳлар
1.Атхам
Вояга этмаган бола машина бокариб авария булди бир аёл жарохаланди оёгини кесишди шунда кандай жазо бор
2.Севара
Углим машинада маст холатдаги одамни уриб юборди биринчи ёрдам курсатди лекин вафот этди. Фарзандим урнига менга жазо кулласа буладими.
3.Мусаев Отабек
Ассолому алейкум Ман Давлат ишида автобус хайдайман охирги ресимда биринчи паласада харакатланиб келаётган эдим биринчи паласада нексия машинаси Турган экан иккинчи паласага утдим эллик метирлар орлигида нексия олдида Яна машина Турган экан шу машина олдига Бир ярим метир колганида маст одам югириб чикиб иккинчи паласада тухтаб колди Ман тормиз Бердиму одамни уриб юбордим тезлигм 48эди шу захоти балнитцага олиб бордим раниматца болимида вафот этди уйидагиларини Рози килдим давомиз йук дейишиб ёзиб беришди манга нима жазо кулланилади
4.Нодира
Бошкани мошинасида одам уриб юборса мошина эгасига кандай жазо кулланилади?
5.Nodira
Agar odom yòl chiziģi yòq joydan òtsayu xaydovchi kòrmay urub yuborsa nima bòladi jabrlanuvchi banisaga borib vafot etgan bòlsa oldindan raxmat
6.Бахтиёр
ОДАМ уриб қочиб кетса урган одами жарохат билан касалхонада кандай жазо қуланилади
7.Jamshid
Agar piyoda mast holda yugurib yo‘lga chiqsa va yo‘lovchi ko‘rolmay qolsachi
8.Umida
Assalomu alekum. Agar inson vofot etgan bolib uni yaqinlari davo si yoqliga xaqida ariza bersa qanaqa jazo qolaniladi
Изоҳ қолдириш